Fjöldi veiðimanna hefur nýtt sér blíðuna undanfarna daga til að dorga við Norðurbakkann og á Norðurgarðinum og margir gert góða veiði.

Byrjað er að setja undirefni við gamla stálþilið við Norðurbakka, en í samræmi við nýsamþykkt skipulag fyrir Norðurbakkasvæðið, verður sett grjótvörn framan við bakkann og síðan gengið frá yfirborði með göngustígum, lýsingu og gróðri síðar í sumar.