Háibakki fullbókaður
21.03.2020
Bjarni og Árni við Háabakka, framan við nýjar höfuðstöðvar Hafrannsóknarstofnunar.
Hafrannsóknarskipin Árni Friðriksson og Bjarni Sæmundsson liggja nú bæði við Háabakka. Þetta er í fyrsta sinn sem bæði skipin liggja saman við Háabakka og fyrsta koma Bjarna á Hábakka. Bjarni lagðist að bryggju innst við Hábakka í gærkvöld 20. mars og Árni kom síðan í sól og blíðu í morgun þann 21. mars. Skipin eru bæði að koma úr árlegu "mars-ralli".
Hafnarfjarðarhöfn býður bæði skip og áhafnir velkomin í nýja heimahöfn.